Hvað er betra en rjómi, súkkulaðiálegg með möndlum og banani á bollur? Svo gott!
Byrjið á því að setja smjör og vatn í pott. Hrærið saman og hitið þar til suðan kemur upp. Takið þá pottinn af hellunni.
Blandið hveitinu saman við. Hærið vel þar til það verður að bollu, losnar frá pottinum og hættir að festast við pottinn.
Kælið og blandið einu eggi í einu saman við blönduna.
Notið tvær msk og dreifið deiginu í bollur á bökunarplötu þakta bökunarpappír.
Bakið í 25-30 mínútur við 200° á blæstri. Tíminn fer eftir því hversu stórar bollurnar eru.
Stappið banana.
Þeytið rjóma og blandið saman við bananann.
Smyrjið bolluna með súkkulaðiálegginu og fyllið með rjómanum. Toppið með súkkulaðiálegginu og ristuðum möndluflögum.