Blaut kladdkaka með Geisha heslihnetu súkkulaði kremi

  ,   

maí 9, 2019

Þessi kaka er fullkomin hvort sem er á brunch borðið eða sem eftirréttur eftir góðan mat.

  • Eldun: 1 klst
  • 1 klst

    1 klst

Hráefni

Kaka

125 g smjör

3 dl sykur

2 egg

1 tsk vanilludropar

1 ½ dl hveiti

1 dl Cadbury kakó

Krem

¾ dl rjómi

150 g Geisha mjólkursúkkulaði með heslihnetu fyllingu

Hakkaðar heslihnetur

Leiðbeiningar

Kaka

1Kveikið á ofninum og stillið á 200°C.

2Bræðið smjörið og setjið í skál ásamt sykrinum, hrærið vel saman. Bætið eggjunum út í, eitt í einu og hrærið á milli. Bætið vanilludropunum út í og hrærið.

3Bætið hveitinu og kakóinu út í og hrærið varlega saman við. Smyrjið 23 cm kökuform og hellið deiginu í formið. Bakið í u.þ.b. 20 mín, kakan á að vera blaut inn í þegar hún er tekin úr ofninum.

Krem

1Hitið rjómann í potti að suðu en ekki láta hann samt sjóða. Bætið Geisha súkkulaðinu út í og hrærið þangað til allt súkkulaðið hefur bráðnað og samlagast við rjómann.

2Hellið kreminu yfir kælda kökuna og setjið svo hakkaðar heslihnetur við enda kökunnar.

3Hægt er að skreyta kökuna með berjum og ávöxtum til dæmis.

Uppskrift frá Lindu Ben.

00:00

Aðrar spennandi uppskriftir

Æðisgengilega góðar Tyrkisk Peber og Dumle smákökur

Dumle bitarnir bráðna um kökuna og gera hana einstaklega klístraða á meðan Tyrkisk Peber molarnir koma með sitt einkennadi bragð í kökurnar sem enginn getur staðist!

Lakkrístoppar með hvítu Toblerone

Ef þið hélduð að lakkrístoppar gætu ekki orðið betri þá verðið þið að prófa lakkrístoppa með hvítu Toblerone!

OREO trufflur

OREO konfekt með dökku súkkulaði og Toblerone.