Hérna erum við með frábæran eftirrétt sem hentar vel eftir góða máltíð. Tekur enga stund að skella í hann – myndi segja að það taki u.þ.b. fimm mínútur frá því að hafist er handa og hann kominn inn í ofn. Svo er hægt að græja hann fyrr um daginn og geyma inn í ísskáp og skella í inn ofn þegar fólk klárar að borða og bera fram strax.
Stillið ofn á 175°c. Skolið bláberin og deilið þeim í fjórar litlar eldfastar skálar eða eina stærri.
Blandið sítrónusafa og kókos möndlusmjörinu saman við bláberin og veltið lítilega saman.
Byrjið á því að bræða kókosolíuna. Takið þa skál og setjið öll hráefnin ofan í og blandið saman.
Setjið rúma matskeið yfir hvern skammt og dreifið yfir bláberin.
Setjið skálarnar inn í ofn og bakið í 25 mín.
Berið fram beint úr ofninum með vanilluís, algjört lostæti.
Serving Size 4