Bragðgóður kjúklingur og grænmeti sem gott er að bera fram með pasta.
Setjið 2 msk af smjöri í stóran pott. Brúnið kjúklinginn á öllum hliðum við mikinn hita. Takið úr pottinum og geymið.
Setjið lauk og hvítlauk í pottinn og steikið í smá stund við meðalhita.
Bætið smjöri saman við og látið gróflega sneiddar gulrætur og steinseljurót þar í. Steikið í nokkrar mínútur og bætið þá fersku timían saman við ásamt sítrónusafa.
Látið bjór og kjúklingakraft saman við og látið nú malla við vægan hita í 45 mínútur.
Undir lokin bætið maizenblöndunni saman við til að þykkja sósuna. Bara lítið í einu þar til hún er orðin passlega þykk.
Smakkið til með salti og pipar og stráið saxaðri steinselju yfir allt.
Berið fram með tagliatelle pasta eða kartöflumús.