Andasalat með trufflu balsamic gljáa

Æðislega gott andasalat með trufflu balsamic gljáa frá Filippo Berio.

 2 stk Valette andabringur
 Salt og pipar
 250 gr spínat
 250 gr klettasalat
 2 stk appelsínur
 1 box konfekt tómatar
 ½ box alfa alfa spírur
 1 dl rifinn parmesan ostur
 2 msk Filippo Berio ólífuolía
 Trufflu balsamic gljái frá Filippo Berio

1

Snyrtið andabringurnar og skerið rákir í fituna.

2

Hitið ofninn í 180 gráður.

3

Hitið pönnu, steikið öndina á fitunni í 8-10 mínútur við meðalháan hita.

4

Gott er að ausa fitunni af pönnunni í nokkur skipti við steikinguna. Snúið öndinni við og steikið í 2 mínútur, setjið í eldfast mót og kryddið með salti og pipar.

5

Eldið í ofni við 180 gráður í 10 mínútur. Takið út og látið hvíla í 10 mínútur.

6

Blandið salatinu saman ásamt alfa alfa spírunum.

7

Skerið tómatana í tvennt og skerið appelsínur í lauf. Rífið parmesan ost yfir, blandið saman við salatið og veltið upp úr ólífuolíu.

8

Skerið andabringurnar í þunnar sneiðar, leggið yfir salatið og hellið trufflu balsamic gljáa yfir eftir smekk.