Hitið ofninn í 175°C (165°C með blæstri). Leggið bökunarpappír á ofnplötu og teiknið á hann 3 hringi, u.þ.b. 22 cm í þvermál. Smyrjið pappírinn og stráið á hann hveiti eða brauðraspi. Saxið hneturnar frekar smátt og blandið þeim saman við flórsykurinn. Stífþeytið eggjahvíturnar og blandið þeim varlega saman við með sleikju. Setjið deigið á hringina á plötunni og bakið í 10-15 mínútur. Látið botnana kólna aðeins, hvolfið þeim síðan á bökunarpappír og losið pappírinn strax frá.

Þeytið rjómann. Dreypið sérríi yfir botnana og leggið þá saman með rjóma og söxuðu Toblerone. Þekið tertuna með rjóma og skreytið hana með súkkulaði.

Smyrjið álpappírsörk með smjöri. Bræðið súkkulaðið yfir vatnsbaði við vægan hita og smyrjið því á pappírinn þannig að það þeki u.þ.b. 30×30 cm. Kælið vel. Skerið það síðan í ferkantaða bita og raðið þeim á kökuna.

Sigtið kakó yfir.